“Вялікі пост: час пакаяння”.

Духоўна-асветніцкая гутарка.

        Напярэдадні вялікага свята Вялікадня наведвальнікі клуба “Бяседа”, які працуе ў аддзяленні дзённага знаходжання грамадзян сталага ўзросту ДУ “ТЦСАН Ашмянскага раёна”, сустрэліся са святаром касцёла Святога Міхаіла Арханёла г.Ашмяны Паўлам.

        Пад час сустрэчы адбылася духоўна-асветніцкая гутарка “Вялікі пост: час пакаяння”.  Ксёндз Павел звярнуў увагу прысутных на важнасць свята, вёў  размову пра  духоўную падрыхтоўку да яго, адказваў на пытанні. Ён адзначыў, што Вялікдзень, Пасха, Паска — галоўная падзея царкоўнага календара, найстаражытнае і найважнейшае хрысціянскае свята. Тыдзень Святога Вялікадня называецца Велікодным, вялікім і радасным. Першы дзень Пасхі ў беларусаў называецца Вялікдзень. У гэты дзень адзначаецца светлае Хрыстова Уваскрасенне - перамога над смерцю і ачышчэнне ад усіх грахоў. Вялікдзень - пераходнае свята, гэта значыць, што кожны год яно святкуецца ў розныя даты. Дакладная дата Вялікадня вылічаецца з дапамогай месяцовага календара. Таксама ксёндз Павел паведаміў пра тое, што пры падрыхтоўцы да свята на першым месцы павінна быць малітва, а напярэдадні ўрачыстаці неабходна прывеці ў парадак свае думкі і супакоіць душу.

        Закончылася спатканне сумесным чаяваннем і спробай выпечкі, якую падрыхтавалі нашы наведвальнікі.

 Тэрэса Кошань

спецыяліст па сацыяльнай рабоце

ДУ “ТЦСАН Ашмянскага раёна”